ՎՍՀ-ում ՀՀ դեսպան Վահրամ Կաժոյանը հանդիպումը ՎՍՀ ԱԳՆ միջազգային կազմակերպությունների վարչության պետ Դո Հունգ Վիետի հետ։

10 մարտի, 2021

Ս․թ․ մարտի 10-ին ՎՍՀ-ում Հայաստանի Հանրապետության դեսպան Վահրամ Կաժոյանը (Vahram Kazhoyan) հանդիպեց Վիետնամի Սոցիալիստական Հանրապետության Արտաքին գործերի նախարարության միջազգային կազմակերպությունների վարչության պետ Դո Հունգ Վիետի (Do Hung Viet) հետ։

Հանդիպման ժամանակ կողմերը քննարկեցին բազմակողմ հարթակներում, մասնավորապես ՄԱԿ-ում, ՄԱԿ-ի Անվտանգության խորհրդի և Չմիավորված երկրների շարժման շրջանակներում ՀՀ-ՎՍՀ հարաբերություններին վերաբերող մի շարք հարցեր։ Դեսպան Կաժոյանը ներկայացրեց Արցախի Հանրապետության դեմ ադրբեջանական ագրեսիայի հետևանքով առաջացած իրավիճակը, անդրադարձավ մարդասիարական խնդիրներին, մասնավորապես շեշտադրելով հայ ռազմագերիների վերադարձի հարցի կարևորոթյունն ու հրատապությունը, ինչպես նաև Ադրբեջանի կողմից դրա շահարկումը: Նա կարևորեց Արցախի քաղաքական կարգավիճակի հստակեցման հարցը՝ ԵԱՀԿ Մինսկի խմբի համանախագության շրջանակներում: ՀՀ դեսպանն անդրադարձավ նաև Ադրբեջանի տիրապետության տակ անցած հայկական մշակութային ժառանգության ու Շուշիի թանգարանների հարցերին:

Պարոն Վիետն իր հերթին ներկայացրեց Հարավչինական ծովի խնդրին վերաբերող բանակցային գործընթացի մանրամասները:

Զրուցակիցների կողմից երկուստեք կարևորվեց միջազգային հարթակներում Հայաստանի և Վիետնամի միջև համագործակցության հետագա ամրապնդումն ու խորացումը։

Կողմերը քննարկեցին նաև տարածաշրջանային մի շարք խնդիրներ և դրանց շուրջ տեղի ունեցող զարգացումները։

Հանդիպմանը մասնակցում էր նաև ՎՍՀ-ում ՀՀ դեսպանության երկրորդ քարտուղար Արամազդ Մուրադյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր